विजय थलपती: सर्वात जास्त मानधन घेणारा कलाकार

 चित्रपट इंडस्ट्रीच्या तुलनेत नक्कीच बॉलिवूड इंडस्ट्री ही भारतात सर्वात मोठी मानली जाते. शिवाय प्रादेशिक सिनेमांपेक्षा बॉलिवूड चित्रपटांचे महत्त्व नक्कीच जास्त आहे. मात्र, मागील काही वर्षांपासून हे समीकरण बदलताना दिसत आहे. हिंदी सिनेमांना साऊथ सिनेमे तोडीस तोड टक्कर देत आहेत. कधीकधी जाणवते की, साऊथ इंडस्ट्री बॉलिवूडच्या पुढे आहे. याच साऊथ इंडस्ट्रीतल्या कलाकारांना जगभर ओळख मिळाली आहे. 

दाक्षिणात्य अभिनेता विजय थलपती हा देखील सध्याच्या घडीचा मोठा आणि लोकप्रिय अभिनेता आहे. त्याने त्याच्या अभिनयाच्या आणि दमदार ऍक्शनच्या जोरावर मोठी प्रसिद्धी आणि लोकांचे प्रेम मिळवले आहे. साऊथ सुपरस्टार विजयने त्याच्या अनेक सिनेमांमधून न प्रेक्षकांचे भरपूर मनोरंजन आहे. विजयचे सिनेमे म्हणजे भरपूर अक्शन, ड्रामा आणि रोमान्स असलेले असतात. थलपती विजयने कारकिर्दीची सुरुवात बालकलाकार म्हणून केली. बॉलिवूडची 'देसी गर्ल' ओळख मिळवणाऱ्या प्रियांका चौप्राने तिच्या अभिनयाची सुरुवात विजयसोबतच केली . या दोघांनी तमिळ सिनेमा 'थमियाँ' सोबत केला होता. १९९६ मध्ये विजयचा poove unakkaga हा सिनेमा प्रदर्शित झाला. या सिनेमाने त्याला लोकप्रियता तर दिलीच, सोबतच तमिळ लोकांचे प्रेमही मिळवून दिले. आजच्या घडीला विजय सर्वात जास्त मानधन घेणारा कलाकार म्हणून ओळखला  जातो. त्याने आपल्या आगामी 'थलपथी ६५' या चित्रपटासाठी तब्बल शंभर कोटींचे मानधन घेतले आहे. मानधनात त्याने रजनीकांत यांनाही मागे टाकले आहे. कारण रजनीकांत यांनी त्यांच्या “दरबार” चित्रपटासाठी नव्वद कोटी घेतले होते.  'सेंढूरपांडी', “विष्णू, “वसंत वासल', 'लव १! “, 'प्रियमुदन”, 'काधालुक्कु मरियाधई”,  'तीरुपाची”, “तीरुमय्या”, “भगवती”, 'सुकरन' आदी ब्लॉकबस्टर चित्रपटांचा समावेश आहे. 

मी आतापर्यंत जगलेल्या जीवनात आनंदी आहे: वहिदा रहमान

वहिदा रहमान या त्यांच्या काळातील प्रसिद्ध अभिनेत्री होत्या.  त्यांनी आपल्या करिअरची सुरुवात तेलुगू चित्रपटातून केली. नंतर गुरू दत्त यांनी त्यांना हिंदी चित्रपटात आणले.  गुरु दत्त निर्मित 'सीआयडी' हा त्यांचा पहिला हिंदी चित्रपट होता. वहिदा रहमान यांचे 'गाइड', 'प्यासा', 'चौधवीन का चांद', 'कागज के फूल', 'साहब बीवी और गुलाम' आणि 'तीसरी कसम' असे काही प्रमुख हिंदी चित्रपट आहेत.चित्रपट जगतातील प्रतिष्ठित फिल्मफेअर पुरस्काराशिवाय वहिदा यांना राष्ट्रीय पुरस्कारानेही गौरविण्यात आले आहे.  त्यांना फिल्मफेअर लाइफ टाईम अचिव्हमेंट अवॉर्ड, एनटीआर अवॉर्ड आणि इंडियन फिल्म पर्सनॅलिटी ऑफ द इयर शताब्दी पुरस्कार देखील मिळाला आहे.वहिदा यांना पद्मश्री आणि पद्मभूषणनेही गौरविण्यात आले आहे.  विविध मुलाखतीच्या आधारावर वहिदा रेहमान यांच्या जीवणाविषयीच्या गोष्टी त्यांच्याच शब्दात.

अशा प्रकारे मीआले  चित्रपटांमध्ये: माझा जन्म 3 फेब्रुवारी 1938 रोजी चिंगुलपेट, तामिळनाडू येथे झाला.माझ्या आईचे नाव मुमताज बेगम, वडिलांचे नाव मोहम्मद अब्दुर रहमान, जे आयएएस अधिकारी होते. आम्ही चार बहिणी झाहिदा, सईदा, शाहिदा आणि मी वहिदा. आम्ही सगळेच अभ्यासात हुशार होतो, पण त्यातल्या त्यात मी अधिक अभ्यासात हुशार होते. मला डॉक्टर व्हायचे होते.दक्षिण संस्कृतीनुसार आम्हा सर्व बहिणींना भरतनाट्यम शिकवले जायचे.  अब्बांची विशाखापट्टणमला बदली झाल्यावर आम्ही सगळे इथे येऊन स्थायिक झालो.जेव्हा मी क्लास आठमध्ये होते, तेव्हा आमचे जीवनात असे काही वादळ आले, ज्याची आम्ही कल्पनाही केली नव्हती.अब्बांचे हृदयविकाराच्या झटक्याने निधन झाले.  त्यानंतर आई वारंवार आजारी पडू लागली.घरात पैशांची कमतरता भासू लागली होती.  एका सांस्कृतिक कार्यक्रमात डान्स करताना पाहून मला साऊथच्या 'रोजालु मरयायी' या तेलगू चित्रपटाची ऑफर मिळाली. या चित्रपटाच्या यशाने मला माझ्या आईच्या आजारावर उपचार करून घेता येतील असे वाटू लागले.  मग मी डॉक्टर होण्याचा विचार सोडून दिला आणि अभिनयात क्षेत्रात उतरले.

गुरू दत्त यांनी मला हिंदी चित्रपटात आणले: एका पार्टीत बॉम्बेचे नवोदित निर्माते गुरु दत्त यांच्याशी माझी ओळख झाली.गुरुदत्त यांनी मला मुंबईला येण्याचे निमंत्रण दिले. मी त्यांना म्हणालो, "मी आईशिवाय कुठेही जात नाही."  तर तो म्हणाले, मी तुला तुझ्या आईसोबत येण्याचे आमंत्रण देत आहे.'काही दिवसांनी मी अम्मीसोबत चेन्नईहून मुंबईला आले.  1955 मध्येही मुंबईची गर्दी, वाहनांचा आवाज ऐकून मी अम्मीला म्हणाले, 'या शहरात खूप गोंगाट आहे, आपण इथे कसे राहू शकू?'  पण नंतर माझे मन मुंबईत रमले.

त्यामुळे व्हॅम्पची भूमिका स्वीकारली: 1956 च्या 'सीआयडी' चित्रपटासाठी, गुरु दत्त यांनी त्यांच्या होम प्रोडक्शन चित्रपटाचे दिग्दर्शक राज खोसला यांच्याशी माझी ओळख करून दिली. या चित्रपटात शकीलासोबत देव आनंदची जोडी फायनल झाली.राज खोसलाजींनी मला कामिनीचे पात्र समजावून सांगितले. ते व्हॅम्पचे पात्र होते, मला ते पात्र आव्हानात्मक वाटले, मी ते स्वीकारले. पण नंतर जेव्हा हा चित्रपट प्रचंड गाजला तेव्हा लोकांनी मला सांगितले, “तू तुझ्या पहिल्या चित्रपटात नकारात्मक भूमिका करायला नको होतीस.तेव्हा मला हिंदीचे फारसे ज्ञान नव्हते.  हिंदी चित्रपटांची पद्धत, इथे कोणत्या प्रकारचे चित्रपट बनतात. मी माझी भूमिका कशी करावी याचे मला काहीच ज्ञान नव्हते.  पण हो, मी व्हॅम्प भूमिका का केली याचे कधी वाईट वाटले नाही?

'गाईड' चित्रपटासाठी नकार : 'सोलहवां साल' या चित्रपटाच्या वेळी दिग्दर्शक राज खोसला यांच्याशी माझे मतभेद झाले होते, त्यामुळे त्यांच्याबद्दल माझ्या मनात तीव्र नाराजीच्या भावना निर्माण झाल्या होत्या.‘गाईड’ चित्रपटाचा प्रोजेक्ट तयार झाला तेव्हा देव साहेबांनी मला हा चित्रपट ऑफर केला.  त्यानंतर त्याचे इंटरप्रिटेशन डायरेक्टर राज खोसला होते. मी देवला या चित्रपटासाठी नकार दिला.  देव यांनी स्पष्ट केले की, कधीकधी चित्रपटांच्या सेटवर असे क्रिएटिव आर्ग्यूमेंटस होत राहतात, ते तिथेच विसरले पाहिजे.पण मी त्याला 'गाईड' करायला नकार देत राहिले.  नंतर खोसला हे या चित्रपटापासून बाजूला झाल्यावर  चेतन आनंद यांनी चित्रपटाची सूत्रे हाती घेतली. त्यानंतर त्यांच्या तारखा दुसर्‍या चित्रपट प्रकल्पाशी जोडल्या गेल्याने तेही या चित्रपटापासून बाजूला झाले. त्यानंतर विजय आनंद यांनी 'गाइड' चित्रपट दिग्दर्शित करण्याचे ठरले.मग मीही 'गाईड'मधली रोझीची भूमिका आनंदाने स्वीकारली.  आजही हा चित्रपट आणि हे पात्र माझ्या हृदयाच्या खूप जवळ आहे. 

माय लाइफ माय फॅमिली: माझे लग्न 1974 मध्ये अभिनेता आणि उद्योगपती कमल जीत यांच्याशी झाले.  2000 मध्ये कमलजीत यांचे निधन झाले. त्यानंतर मी चित्रपटांपासून दूर झाले.  नंतर काही चित्रपट केले.  पण आता मी चित्रपट करत नाहीये.  मी आतापर्यंत जगलेल्या जीवनात खूप आनंदी आहे.  आता माझे जीवन म्हणजे माझे कुटुंब आहे.माझी मुलगी काशवी (रेखी) हिने लग्न केलेले नाही.  शिक्षणानंतर काशवी पटकथा लेखन करते आहे.काशवी माझ्यासोबत राहते.  माझा मुलगा सोहेल परदेशात राहतो.  माझी सून आणि मुलगा नेहमी मुंबईला येत असतात.मला माझ्या मुलांसोबत राहयाला आवडते. मी सकाळी लवकर उठते.  मी सकाळी ७ ते ९ या वेळेत बागकाम करते.  मी पंधरा मिनिटे योगा आणि प्राणायाम करते.  वर्तमानपत्र वाचणे, टीव्हीवर बातम्या पाहणे आणि जेव्हा जेव्हा माझा मूड असतो तेव्हा मी स्वयंपाकघरात जाऊन डिश बनवते.आता अभिनयाचा विचार नाही.  मला नव्या पिढीतील कलाकारांचा अभिनय पाहायला आवडतो.

2023 साल शाहरुखच्या नावावर असेल

शाहरुख खानच्या चाहत्यांसाठी एक आनंदाची बातमी म्हणजे दीपिका पदुकोण त्याच्या आगामी 'जवान' चित्रपटात पुन्हा एकदा त्याच्यासोबत दिसणार आहे.शाहरुख खानसोबत ‘जवान’ या चित्रपटातून नयनताराने दक्षिणेत खूप नाव कमावले असले, तरी नयनतारा फिमेल लीड रोलमध्ये आहे, मात्र दीपिका पदुकोणचा छोटासा स्पेशल अपिअरन्स या चित्रपटात जोडला जात आहे. रिपोर्ट्सनुसार, दीपिकाची या चित्रपटात उपस्थिती एक अतिरिक्त स्पार्क आणेल. शाहरुख खान आणि दीपिका पदुकोन 'ओम शांती ओम', 'चेन्नई एक्सप्रेस', 'हॅपी न्यू इयर' आणि 'पठाण' सारखे अनेक ब्लॉकबस्टर चित्रपट दिले आहेत. या दोघांची ऑनस्क्रीन जोडी प्रत्येक चित्रपटात खूप गाजली आहे. या जोडीच्या मॅग्नेटिक स्क्रीन उपस्थितीने त्यांना बॉलिवूडमधील सर्वात लोकप्रिय ऑन-स्क्रीन जोडप्यांपैकी एक बनवले आहे. दीपिका आणि शाहरुखचे चाहते 'जवान' बद्दल खूप उत्सुक आहेत. ते ब्लॉकबस्टर 'पठाण' च्या ऐतिहासिक  यशानंतर या चित्रपटाची आतुरतेने वाट पाहत आहे. दरवेळेप्रमाणेच यंदाही ही जोडी 'जवान'ला नव्या उंचीवर घेऊन जाईल, असे वाटते.  शाहरुख खान आणि नयनतारा व्यतिरिक्त साऊथ स्टार विजय सेतुपती आणि सान्या मल्होत्रा ​​सारखे दिग्गज कलाकारही 'जवान'मध्ये दिसणार आहेत. हा चित्रपट ७ सप्टेंबरला प्रदर्शित होत आहे.  चित्रपट प्रदर्शित होण्याआधी, अशी बातमी आहे की डिजिटल प्लॅटफॉर्मसाठी चित्रपटाचे ओटीटी अधिकार खूप जास्त किंमतीला विकले गेले आहेत. 'जवान' 'पठाण' पेक्षा चांगली कमाई करेल अशी चाहत्यांची अपेक्षा आहे, शाहरुख म्हणतो की 'जवान' त्याच्या आधीच्या चित्रपटाप्रमाणे व्यवसाय करू शकेल की नाही हे सांगू शकत नाही पण तो नेहमीप्रमाणे व्यवसाय करेल अशी आशा आहे. हा चित्रपटही सर्वांचे मनोरंजन करू शकेल.

शाहरुख खान आणि त्याच्या स्टारडमबद्दल सर्वांनाच माहिती आहे.  लोक त्याच्यासाठी वेडे आहेत आणि नेहमी त्याच्या चित्रपटांची आतुरतेने वाट पाहत असतात.  किंग खानने जवळपास तीन दशकांपासून बॉलिवूडवर राज्य केले आहे. पठाणच्या यशाने त्याला बॉक्स ऑफिसचा बादशहा का म्हटले जाते हे सिद्ध झाले आहे. 'जवान'प्रमाणेच शाहरुखच्या 'डंकी'चे ओटीटी हक्कही जिओ सिनेमाला १५५ कोटींना विकले गेल्याची बातमी आहे. 'डंकी' यावर्षी डिसेंबरमध्ये रिलीज होणार आहे.  डंकी हा शाहरुखचा यावर्षी रिलीज होणारा तिसरा चित्रपट असेल. प्रसिद्ध दिग्दर्शक राजकुमार हिरानी यांनी आतापर्यंत आमिर खान आणि संजय दत्त सारख्या दिग्गज दिग्गज कलाकारांसोबत काम केले आहे पण ते सुरुवातीपासूनच सांगत होते की, 'डंकी' या चित्रपटात शाहरुखसोबत  काम करायचे आहे,  या चित्रपटाच्या निमित्ताने राजकुमार हिरानीसोबत शाहरुख पहिल्यांदाच काम करत आहे.'डंकी' चित्रपटासाठी जिओ सिनेमासोबतचा करार हा भारतीय चित्रपटसृष्टीतील सर्वात मोठा करार मानला जात आहे. यापूर्वी, शाहरुख खान आणि दीपिका पदुकोण स्टारर 'पठाण', ज्याने जगभरात 1000 कोटी रुपये कमवले होते, ते प्राइम व्हिडिओला ओटीटीसाठी 100 कोटी रुपयांना विकले गेले होते. शाहरुख खान 'जवान' आणि 'डंकी'चे शूटिंग पूर्ण करताच फराह खानसोबत पुन्हा एकदा चित्रपट करणार असल्याची बातमी आहे. मिळालेल्या माहितीनुसार, शाहरुख खान आणि फराह खान नऊ वर्षांनंतर पुन्हा एकत्र येण्याच्या तयारीत आहेत. शाहरुख खानने शेवटचे फराह खानसोबत २०१४ मध्ये आलेल्या 'हॅपी न्यू इयर' या चित्रपटात काम केले होते.  वृत्तानुसार, फराह खान दिग्दर्शित आणि शाहरुखने स्वत: निर्मित केलेला हा संपूर्ण मसाला चित्रपट असेल.वृत्तानुसार, फराह खान दिग्दर्शित आणि शाहरुखने स्वत: निर्मित केलेला हा संपूर्ण मसाला चित्रपट असेल.शाहरुख हा फराहचा फक्त जवळचा मित्रच नाही तर त्याने तिच्यासोबत मैं हूं ना (2004), ओम शांती ओम (2007) आणि हॅपी न्यू इयर (2014) या चित्रपटांमध्ये काम केले आहे.

काजोल पुन्हा एकदा करण जोहरच्या चित्रपटात दिसणार

राहुल रवैलच्या बेखुदी (1992) मधून वयाच्या 17 व्या वर्षी अभिनय क्षेत्रात पदार्पण करणारी अभिनेत्री काजोलने तिचा दुसरा चित्रपट 'बाजीगर' (1993) मध्ये दाखवून दिलं की तिची या फिल्म इंडस्ट्रीमध्ये एक अद्भुत अशी दीर्घ कारकीर्द असेल. मग काजोलने ‘करण अर्जुन’ (1995), ‘हलचल’ (1995), ‘दिलवाले दुल्हनिया ले जाएंगे’ (1995), ‘इश्क’ (1997), ‘कभी खुशी कभी गम’ (2001) आणि ‘फना’ (2006) सारखे असे  न जाणो अनेक हिट चित्रपट दिले. जवळपास तीन दशकांच्या कारकिर्दीत, काजलने रुपेरी पडद्यावर एकापेक्षा एक दमदार व्यक्तिरेखा जिवंत केल्या. भूमिकांचा प्रकार कोणताही असो, परंतु भूमिकांच्या माध्यमातून तिने दशकांवर खोलवर छाप सोडली.'दुष्मन' (1998) असो किंवा 'हेलिकॉप्टर ईला' (2015) या सर्वांमध्ये काजोलने तिची क्षमता सिद्ध केली.काजोलने तिच्या कारकिर्दीच्या सुरुवातीला राजीव राय यांच्या "गुप्त" (1997) मध्ये एका खुनी मुलीची नकारात्मक भूमिका साकारून सर्वांना चकित केले होते. या चित्रपटासाठी काजोलला फिल्मफेअर पुरस्कार मिळाला होता.

"बाजीगर" (1993) नंतर "दिल वाले दुल्हनिया ले जायेंगे" (1995), "करण अर्जुन" (1995), "कुछ कुछ होता है" (1998), "कभी खुशी कभी गम" (2001) आणि "कभी अलविदा. ना कहना' (2006) सारख्या चित्रपटानंतर शाहरुख आणि काजोलची रुपेरी पडद्यावरची जोडी 'गोल्डन पेअर' म्हणून ओळखली जाऊ लागली.पण 'माय नेम इज खान' (2010) नंतर प्रेक्षकांचे या जोडीवरचे आकर्षण कमी होऊ लागले.दिलवाले (2015) मधील शाहरुख आणि काजोलची जोडी जादू निर्माण करण्यात पूर्णपणे अपयशी ठरली. काजोल शाहरुख खान स्टारर 'झिरो' (2018) मध्ये फक्त विशेष भूमिकेत होती. पण हा चित्रपट बॉक्स ऑफिसवर फारच वाईट पद्धतीने फ्लॉप झाला. 'तानाजी: द अनसंग वॉरियर' (२०२०) मध्ये, काजोलने छत्रपती शिवाजी महाराजांचे सुभेदार तानाजी मालुसरे यांच्या पत्नी सावित्रीबाई मालुसरे यांची भूमिका साकारली होती.ती 10 वर्षांनी अजयसोबत रुपेरी पडद्यावर परतली होती. हा चित्रपट हिट ठरला. काजलने धनुषसोबत 'व्हीआयपी 2' (2017) हा तमिळ चित्रपट केला होता पण तो फ्लॉप झाला.हेलिकॉप्टर ईला (2018) या गुजराती नाटकावर आधारित चित्रपटात, काजोलने एका एकल आईची भूमिका साकारली होती.2019 मध्ये काजोलचा एकही चित्रपट आला नाही.  2021 मध्ये ती 'त्रिभंगा' या महिला केंद्रित चित्रपटात दिसली. काजोल निर्मित आणि रेणुका शहाणे दिग्दर्शित आई आणि मुलीच्या कथेवर आधारित हा चित्रपट नेटफ्लिक्सवर प्रदर्शित झाला.

काजोल भलेही फार सुंदर नसेल पण ती बॉलिवूडमधील सर्वात प्रतिभावान अभिनेत्रींपैकी एक आहे.  पण काजल स्वतःला खूप सुंदर समजते.ती म्हणते की जर तुम्ही स्वतःवर प्रेम करत असाल तर तुम्ही स्वतःसाठी सर्वात सुंदर आहात. काजोल काळाच्या ओघात बरीच मॅच्योर झाली आहे, तिने स्वतःला एक चांगली व्यक्ती आणि चांगली आई म्हणून विकसित केले  आहे.अजय देवगणशी लग्न केल्यानंतर काजोलने तिचे फिल्मी करिअर आटोक्यात आणले. गेल्या वर्षी काजोलचा 'सलाम वेंकी' (2022) आला होता.  अलीकडे ती डिस्ने प्लस हॉटस्टारवरील स्टीमवरील 'लस्ट स्टोरी 4' (2023) आणि वेब सीरिज 'द ट्रायल' (2023) मध्ये दिसली.द ट्रायल (२०२३) ही भारतीय कायदेशीर आणि राजकीय पार्श्वभूमीवर आधारित मालिका आहे जी बनजय एशिया द्वारे निर्मित आणि सुपरण वर्मा दिग्दर्शित, १४ जुलै पासून प्रसारित झाली आहे.त्यामध्ये काजोलने नोयोनिका सेनगुप्ता या गृहिणीची भूमिका साकारली आहे जी तिच्या पतीला तुरुंगात असताना तिच्या कुटुंबाला आधार देण्यासाठी एक लॉ फर्म उघडते.नयोनिका सेनगुप्ताच्या या भूमिकेत काजोलने स्वतःला पूर्णपणे बुडवून घेतले. 

तिच्या अविश्वासू पतीनंतर, ती एका प्रवासाला निघते जी खरोखर तिची परीक्षा घेते.आयुष्यातील सर्व आव्हानांवर ती एक एक करून मात करते. 'द ट्रायल' (2023) मध्ये प्रथमच वकिलाची भूमिका साकारणे हा काजोलसाठी एक नवीन अनुभव होता, वकील कसा असावा, काय आणि कसे बोलावे हे ती शिकली, स्क्रिप्टवर तिने खूप मनापासून काम केले. काजोल म्हणते, 'वकिलाच्या भाषणातील लय सर्वांनाच भुरळ घालते'. 

काजोल करण जोहरच्या सर्वात आवडत्या अभिनेत्रींपैकी एक आहे. काजोलने त्याने दिग्दर्शित केलेल्या स्टुडंट ऑफ द इयर (2002) मध्ये फक्त एक डान्स केला होता. आता ती करण जोहरच्या धर्मा प्रोडक्शनसाठी एक चित्रपट करत आहे, ज्याचे सध्या शूटिंग सुरू आहे आणि पुढील वर्षी रिलीज होणार आहे. काजोलचा 'सरजमीन' हा आणखी एक चित्रपटही पुढच्या वर्षी येणार आहे.  याशिवाय ती नेटफ्लिक्ससाठी 'दो पत्ती' करत आहे. तिच्या पोर्टफोलिओमध्ये 'द ट्रेल' हा आणखी एक चित्रपट आहे.