अविवाहित तब्बू

 सध्या सगळीकडेच अजय देवगण व तब्बूची मुख्य भूमिका असलेल्या भोला चित्रपटाची चर्चा सुरू आहे. या चित्रपटाला प्रेक्षकांचा उत्तम प्रतिसाद मिळत आहे. या चित्रपटातील अजयसह तब्बूच्या भूमिकेचेही विशेष कौतुक होताना दिसत आहे. तब्बूने आजवर बॉलिवूडला अनेक सुपरहिट चित्रपट दिले. तब्बू तिच्या कामाबरोबरच खासगी आयुष्यामुळेही चर्चेत राहिली. ५२ वर्षीय तब्बू अजूनही अविवाहितच आहे. पण तिचं नाव कलाक्षेत्रातील काही मंडळींशी जोडले गेले. प्रेम या चित्रपटामध्ये तब्बूसह संजय कपूरही मुख्य भूमिकेत होता. चित्रपटाच्या चित्रीकरणादरम्यान तब्बू व संजय यांच्यामध्ये जवळीक वाढली होती. एका मुलाखतीत संजय कपूरने म्हटले होते की, मी सुरुवातीला तब्बूला डेट करत होतो. पण चित्रपटाचे चित्रीकरण संपत आले तसा आमच्यामधील संवादही कमी होत गेला.

दिग्दर्शक साजिद नाडियाडवालाबरोबरही तब्बूचे नाव जोडले गेले. जीत चित्रपटाच्यादरम्यान साजिद आणि तब्बू एकमेकांच्या प्रेमात पडले. पण साजिद त्यावेळी त्याची दिवंगत पत्नी दिव्या भारतीला विसरु शकत नव्हता. दरम्यान, तब्बूला ही गोष्ट समजताच दोघांच्या नात्यामध्ये दरी निर्माण झाली. साजिदनंतर तब्बू दाक्षिंणात्य अभिनेता नागार्जुन अक्किनेनीच्या प्रेमात पडली. नागार्जुन विवाहित असताना तब्बू त्याला डेट करत होती. जवळपास १0 वर्षे तब्बू व नागार्जुनचे अफेअर होते. पण नागार्जुन त्याच्या पत्नीला कधीच सोडणार नाही हे तब्बूच्या लक्षात आले. तब्बूच्या या नात्याचाही शेवट झाला. तब्बू अजूनही अविवाहित आहे. 

ती लोकप्रिय अभिनेत्री शबाना आझमी आणि सिनेमॅटोग्राफर बाबा आझमी यांची भाची आहे, हे फारच कमी लोकांना माहिती आहे. हैदराबाद मध्ये जन्मलेल्या तब्बूचे खरे नाव तबस्सुम फातिमा हाशमी असे आहे.